Novo equipamento do CACTI: mastro telescópico de elevación neumática por bomba manual (12 m) - GENMOSTER12

Recibiuse no CACTI novo equipamento: un mastro telescópico de elevación neumática por bomba manual (12 m).

O sistema non só é válido para Termografía Infravermella, senón que tamén pode solicitarse o seu uso só para Fotografía, mediante solicitude de "servizo" (non de autoservizo).

Nestes momentos atópase en fase de probas, avisarase nas listas cando estea completamente operativo. Proximamente mostraranse na web do servizo os seus especificaciones técnicas, etc. Un resúmen é:

1 mastro telescópico 12m
1 trípode de 2m
1 bolsa de transporte
3 picarañas estándar
3 cordas con tensador de 15m
1 colar giratorio de venteo

Probas do mastro telescópico na terraza do CACTI (3 de Febreiro de 2010).

 
No tope do mastro pode verse unha plataforma giratoria (movemento azimutal e de elevación) para a cámara térmica FLIR SC640 de 640x480 detectores (ou para unha cámara dixital).

O obxectivo do sistema, bautizado como GENMOSTER12 (Copyright Servizo de Teledetección-CACTI 2010) é a "Xeración de Mosaicos Térmicos Georeferenciados desde unha altura de 12 m". O mastro posúe como apoio do programa Thermacam Researcher, que se ocupa do control remoto da cámara a través de 3 repetidores alimentados Firewire (IEEE-1394), dun sistema DGPS dual (base e rover) e do software Image Builder para a xeración dos mosaicos.

Opcionalmente para os usuarios dos sistemas de información xeográfica (SIG) pódense engadir capas de información meterolóxica situando a nosa estación meteorolóxica portátil, que achega datos de radiación solar incidente e reflectida (albedo), dirección e intensidade do vento, presión barométrica, temperatura do aire e humidade relativa.

Como comentario final, destacar que a precisión deste sistema é superior á de calquera UAV, avión ou satélite que voe en elevacións superiores. En concreto algúns dos cálculos fotogramétricos para este sistema son:

Posición zenital (distancia ao target = 12m), tamaño de píxel: 7,97 mm

Para 45º de inclinación da cámara, distancia ao branco de 16,97 m (17m), tamaño de píxel (IFOV): 11,29 mm (1,13 cm), abarcando cada un dos termogramas do mosaico un área de 7,227m (HFOV) x 5,42m (VFOV).

Pode verse aquí en forma gráfica:

 

Saúde,
--
Ramiro Álvarez Clavero
Teledetección - C.A.C.T.I.
Vicerrectoría de Investigación
http://webs.uvigo.es/ramiro